مەسعوود (سۆران) عەبدوڵڵازادە، هاووڵاتیی خەڵکی گوندی «خەلیفان»ی سەر بە نەغەدە، لەلایەن هێزە ئەمنییەکانەوە دەستبەسەر کرا.
بەپێی ڕاپۆرتی کۆڵبەرنیوز، ڕۆژی یەکشەممە ٣٠ی خاکەلێوەی ١٤٠٥، مەسعوود عەبدوڵڵازادە بەبێ نیشاندانی هیچ جۆرە حوکمێکی دادوەری لەلایەن هێزە ئەمنییەکانەوە لە ماڵی خۆیدا دەستبەسەر کرا و بۆ شوێنێکی نادیار ڕاگوێزرا.
سەرچاوەیەکی ئاگادار لەمبارەیەوە ڕایگەیاند کە هێزە ئەمنییەکان بە چوونە ناو ماڵی ئەم هاووڵاتییە، دەستیان بە دەستبەسەرکردنی کردووە و پاشان لەو شوێنە بردویانەتە دەرەوە. ئەم سەرچاوەیە هەروەها ئاماژەی بەوە کرد کە بەڕێز عەبدوڵڵازادە دوای دەستبەسەرکردنی بۆ بەندیخانەی نەغەدە گواستراوەتەوە.
مەسعوود عەبدوڵڵازادە پێشتریش لە کاتی ڕاپەڕینی شۆڕشگێڕانەی «ژینا»دا لەلایەن هێزە ئەمنییەکانەوە دەستبەسەر کرابوو.
ناوبراو لەدایکبووی ساڵی ١٣٦٥ە، خێزاندارە و باوکی دوو منداڵە.
تا کاتی ئامادەکردنی ئەم هەواڵە، هیچ زانیارییەکی ورد سەبارەت بە هۆکارەکانی دەستبەسەرکردن و ئەو تۆمەتانەی ئاڕاستەی ئەم هاووڵاتییە کراون، بڵاونەکراوەتەوە و بەدواداچوونەکانی بنەماڵەکەی بۆ وەرگرتنی زانیاری لەسەر دۆخی ناوبراو بێئاکام ماوەتەوە.
