سەرەڕای تێپەڕبوونی چوار ڕۆژ لە دەستبەسەرکرانی فەرزاد گلەبان، هاوڵاتی خەڵکی ورمێ، هێشتا دۆخی ناوبراو نادیارە.
بەپێی ڕاپۆرتی کۆڵبەرنیوز ڕۆژی پێنجشەممە ٢٢ خەزەڵوەری ١٤٠٤، فەرزاد (نەجمەدین) گلەبان، خەڵکی گوندی «کەریم ئاوا» و دانیشتووی گوندی «ولندە سفلی» لە ورمێ، لەلایەن هێزەکانی ڕژیم دەستبەسەرکرا و بۆ گرتووخانەی ئیدارەی ئیتلاعاتی ئەم شارە گواسترایەوە. بەپێی ئەم ڕاپۆرتە، هێزەکانی ڕژیم ماڵی ناوبراویان پشکنیووە و دەستیان بەسەر بەشێک لە کەرەستەی ناوبراودا گرتووە.
لەم ڕاپۆرتەدا هاتووە؛ ئەم هاوڵاتیە بۆ لێپرسینەوە بۆ گرتووخانەی ئیدارەی ئیتلاعاتی ورمێ گواسترایەوە. ناوبراو هێشتا لە بینینی بنەماڵە و پارێزەرەکەی بێبەشە.
تا کاتی نووسینی ئەم ڕاپۆرتە، هۆکارەکانی دەستبەسەرکران و تۆمەتەکانی دژی ئەم هاوڵاتیە نادیارە.
