ئومێد توتی و قادر عەبدوڵڵاهی، دوو هاووڵاتیی خەڵکی بۆکان، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرانەوە.
بەگوێرەی ڕاپۆرتی کۆلبەرنیوز، ڕۆژی یەکشەممە ١٩ی خەرمانانی ١٤٠٢، ئومێد توتی و قادر عەبدوڵڵاهی، دوو هاووڵاتیی خەڵکی شاری بۆکان، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرانەوە. بەپێی ئەم ڕاپۆرتە، بەدواداچوونی بنەماڵەکان سەبارەت بە دۆخی ئەم کەسانە سەرکەوتوو نەبووە و دامەزراوە ئەمنییەکان ڕەتی دەکەنەوە هیچ زانیارییەکیان پێ بدەن.
هێزە ئەمنییەکان بەبێ فەرمانی دادگا ئەو هاووڵاتییانەیان دەستگیرکردووە و تا کاتی نووسینی ئەم هەواڵە هیچ زانیارییەک لەسەر تۆمەتەکان و شوێنی نیشتەجێبوونیان نییە.
