چارەنووسی دەستبەسەرکراوێکی خەڵکی شاری جوانڕۆ لە دوای ٧ ڕۆژ لە دەستبەسەرکران، بەناڕوونی ماوەتەوە
بەپێی ڕاپۆرتی گەیشتوو بە کۆڵبەرنیوز، چارەنووسی لاوێکی خەڵکی جوانڕۆ بە ناوی “خەلیل بەدری” ٣٠ساڵ تەمەن، لە دوای ٧ ڕۆژ دەستبەسەرکران بە ناڕوونی ماوەتەوە.
“خەلیل بەدری” لە رێگای نێوان شاری جوانڕۆ بۆ كرماشان دەستبەسەر كراوە و ڕاگوێزی شوێنێکی نادیار کراوە.
شایەنی باسە، سەرەڕای بە دواداچوونی بنەماڵەکەی تا ئێستا هیچ زانیاریەک لەسەر هۆکاری دەستبەسەر کران و شوێنی ڕاگیرانی ڕوون نەبۆتەوە و دامودەزگا پەیوەندیدارەکان و ناوەندە ئەمنییەکانی شاری جوانڕۆ هیچ جۆرە وەڵامێکیان بە بنەماڵەی خەلیل بەدری نەداوەتەوە و ئەوەش نیگەرانییەکی زۆری لای بنەماڵەی ناوبراو درووستکردووە
