ڕەزا خۆشنەزەر، هونەرمەندی دەستبەسەرکراوی خەڵکی بۆکان، دوای یەک ڕۆژ دەستبەسەرکردن و لێپرسینەوە ئازادکرا.
بە پێی ڕاپۆرتی کۆڵبەرنیوز، ڕۆژی دووشەممە ٢٦ی پووشپەڕی ساڵی ١٤٠٢، ڕەزا خۆشنەزەر، هونەرمەندی خەڵکی بۆکان، کە بە هۆی دروستکردن و ژەنینی پارچە مۆسیقایەک لەلایەن هێزە ئەمنییەکانەوە دەستبەسەر کرابوو، دوای پرۆسەی لێپرسینەوە بە شێوەیەکی کاتی لە زیندان ئازاد کرا.
ڕۆژی یەکشەممە ٢٥ی پووشپەڕی ساڵی ١٤٠٢، ڕەزا خۆشنەزەر، هونەرمەند و چالاکی فەرهەنگی شاری بۆکان، لە ماڵەکەی خۆیدا لەلایەن هێزە ئەمنییەکانەوە دەسبەسەر و بۆ شوێنێکی نادیار گوازرایەوە. ئەم هونەرمەندە دوای وتنەوەی گۆرانییەک بە ناوی “وەتەن” بە توندوتیژی دەستگیرکرا.
تا ساتی نووسینی ئەم ڕاپۆرتە هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
