سامان خزرنژاد هاووڵاتییەکی خەڵکی شاری بۆکان بە تۆمەتی کوشتن و سەب النبی تۆمەتبار کراوە، ئەو تۆمەتانەی کە ئەگەری هەیە بەهۆیەوە سزای لەسێدارەدانی بۆ دەربچێت.
بەپێی ڕاپۆرتی کۆڵبەرنیوز، سامان خزرنژاد، هاووڵاتی تەمەن ٢٧ ساڵ، خەڵکی شاری بۆکان کە نزیکەی سێ مانگ لەمەوبەر لەلایەن هێزە ئەمنییەکانی شاری مەریوانەوە دەستبەسەر کرابوو، بە تاوانی کوشتن و سەب النبی تۆمەتبار کراوە. بەپێی ئەم ڕاپۆرتە، سامان خزرنژاد، دەرچووی پەروەردەی وەرزشی، نزیکەی سێ مانگ لەمەوبەر لەلایەن هێزە ئەمنییەکانی شاری مەریوانەوە دەستبەسەر و بۆ گرتووخانەی ئیدارەی ئیتلاعاتی ورمێ ڕاگوێزرا.
بەپێی ئەم ڕاپۆرته، سامان خزرنژاد له کاتی دەستبەسەرکردنیدا لە چاوپێکەوتن به پارێزه ڕ و بنەماڵەکەی بێبەش کراوه.
سامان خزرنژاد یەکێکە لەو هەزاران دەستگیرکراوانەی ئەم دوایانە کە بەرەوەڕوی تۆمەتی “محاربە” بۆتەوە، تۆمەتێک کە لەو دوایانەدا دادگاکانی شۆڕش وەکوو تۆڵەسەندنەوە بۆ دروست کردنی ترس لە ناو خەڵکی دا بەکاری دەهێنن کە دواتر حوکمی لە سێدارەدانیشی بەدوادادێ
