نازیلا مەعروفیان ڕۆژنامەنووس و خوێندکاری زانکۆی علامە تەباتەبایی لە گرتووخانەی وەزارەتی ئیتلاعات ناسراو بە بەندی ٢٠٩ی زیندانی ئێوین بۆ بەشی ژنانی ئەم زیندانە گوازرایەوە.
بە پێی ڕاپۆرتی کۆڵبەرنیوز، بە پشت بەستن بە هەرانا، نازیلا مەعرووفیان، ڕۆژنامەنووس و خوێندکاری زانکۆی علامە تەباتەبایی، لە گرتووخانەی وەزارەتی ئیتلاعات بە بەندی ٢٠٩ی زیندانی ئێوین بۆ بەشی ژنانی ئەم زیندانە گواستراوەتەوە. بە پێی ڕاپۆرتی هەرانا، سەرچاوەیەکی نزیک و ئاگادار لە بنەماڵەی ئەو ڕۆژنامەنووسە ڕایگەیاند کە: لەم دواییانەدا خانمی مەعروفیان لە گرتووخانەی وەزارەتی ئیتلاعات بەشی بەندی ٢٠٩ی زیندانی ئێوین بۆ بەشی ژنانی ئەم زیندانە گواسترایەوە. هەروەها سەرەڕای دانانی کەفالەتی ٣٠٠ ملیۆن تمەنی، تا ئێستا ڕێگری لە ئازادکردنی ئەم ڕۆژنامەنووسە کراوە.
