لقی ١ی دادگای ئینقلابی سنە، “گوڵالە وەتەندووست”، پارێزەر و چالاکی مەدەنیی مافەکانی ژنان لە شاری مەریوان، بە ٦ ساڵ و ٧ مانگ و ٢٠ ڕۆژ زیندانی تەعزیری مەحکووم کرد
بەپێی ڕاپۆرتی کۆڵبەرنیوز، “گوڵاڵە وەتەندوست” لەلایەن دادگای ڕژیمەوە بە ” بڵاوکردنەی بابەت لە دژی ڕژیم لە تۆڕە کۆمەڵایەتییەکان، پێکهێنان و ئەندامبوون لە گرووپی ژیوانۆ بۆ هەوڵدان بۆ تێکدانی ئاسایشی نەتەوەیی و ئەندامبوون گرووپە ئۆپۆزسیۆنەکان” تۆمەتبار کراوە.
گوڵالە وەتەندووست، پارێزەر و یەکێک لە چالاکانی خۆشناوی مافی مەدەنی و ژنانی شاری مەریوان، ڕۆژی دووشەممە ١١ی ڕەزبەری ١٤٠١ لەلایەن هێزە ئەمنییەکانی شاری سنە دەستبەسەر و دواجار لە ٢٧ی ڕەزبەری ١٤٠١ بە دانانی بارمتەی یەک ملیارد تمەن بە شێوەی کاتی تا کۆتایی پرۆسەی دادگا، لە زیندان ئازاد کرابوو
