کۆڵبەرێکی خەڵکی مەریوان بە «بەرد» لە لایەن هێزەکانی هەنگی مەرزییەوە لە سنووری نەوسوود بریندار بوو.
بەپێی زانیارییەکانی کۆڵبەرنیوز، یەکشەممە ٢٠ی ڕەشەمەی ١٤٠٢، کۆڵبەرێکی خەڵکی مەریوان بە «بەرد» لە لایەن هێزەکانی هەنگی مەرزییەوە لە سنووری نەوسوود قاچی چەپی بریندار بوو.
بەپێی هەواڵەکە، ناسنامەی ئەم کۆڵبەرە «ئومێد مورادی» ڕاگەیەندراوە.
شایانی باسە ناوبراو بۆ چارەسەر بۆ نەخۆشخانەیەکی نەوسوود گوازرایەوە.
بەپێی ئەو ئامارانەی ٢٠٢٣ لە کۆڵبەرنیوز تۆمارکراون، ٢٩٩ کۆڵبەر لە سنورەکان و ڕێگای نێوان ئازەربایجانی ڕۆژئاوا، کوردستان و کرماشان بە هۆکاری وەک تەقەی ڕاستەوخۆی هێزەکانی ڕژێم، هەرەسی ڕەنوو، بەستەڵەک، کەوتنە سەر مین، کەوتنە خوار لە شاخ، بەرزایی و حاڵەتی دیکە کوژران و بریندار بوون. لەم ژمارەیە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندار بوون. بە گشتی ٢٩٩ کۆڵبەر کە کوژران و بریندار بوون، ٢٦١ حاڵەت (٨٧%) بە تەقەی ڕاستەوخۆی هێزەکان بووە. بە گشتی ٢٩٩ کۆڵبەر کە کوژران و بریندار بوون، ٣٠ لەوانە منداڵی خوار ١٨ ساڵن.
