میاندواو؛ سزادانی شەهاب توان بە زیندانیی تەعزیری

شەهاب توان؛ هاوڵاتی خەڵکی میاندواو لەلایەن دادگای ئەم شارە بە سێ مانگ و ڕۆژێک زیندان سزادرا.

بەپێی ڕاپۆرتی کۆڵبەرنیوز، شەهاب توان بە زیندان سزادرا. بەپێی ئەم ڕاپۆرتە، شەهاب توان لەلایەن لقی ١٠١ دادگای دووی شاری میاندواو بە تۆمەتی «بانگەشە دژی ڕژیم»، بە سێ مانگ و ڕۆژێک زیندانیی تەعزیری سزادرا.

شەهاب توان، خەڵکی گوندی «ئیبراهیم ئاوا» لە شاری میاندواوە. ناوبراو پێشتر بەهۆی چالاکییەکانی دەستبەسەرکرا و بەرخوردی یاسایی هەبووە.

شایانی باسە؛ تۆمەتی «بانگەشە دژی ڕژیم» لە دەسەڵاتی دادگای شۆڕشدایە. سەرەڕای ئەمەش بەهۆی نەبوونی دادگای شۆڕش لە شاری میاندواو دۆسیەکانی ئەمنی بۆ دادگای شۆڕشی ورمێ دەنێردرێت. دواتر پاش لێکۆڵینەوە و دەرچوونی سزا، بۆ دادگای شاری میاندواو نێردرا.

کۆڵبەرنیوز

Next Post

سنە؛ بانگهێشت و لێپرسینەوە لە وریا فاتحی لەلایەن هێزەکانی ڕژیم

چ اکتبر 22 , 2025
وریا فاتحی، برای ڕامین فاتحی، لە گیانبەختکردووانی بزووتنەوەی شۆڕشگێڕانەی ژینا لەلایەن ئیدارەی ئیتلاعاتی سنە بانگهێشت و لێپرسینەوەی لێکراوە. بەپێی ڕاپۆرتی کۆڵبەرنیوز، ڕۆژی چوارشەممە سی ڕەزبەری ١٤٠٤، وریا فاتحی برای ڕامین فاتحی لە گیانبەختکردووانی بزووتنەوەی شۆڕشگێڕانەی ژینا بۆ ئیدارەی ئیتلاعاتی سنە بانگهێشتکراوە. بەپێی ئەم ڕاپۆرتە، وریا فاتحی بەیانی ئەمڕۆ چوارشەممە، پاش […]

بابەتی پەیوەندیدار