پەیمان ئەسڵمەرز، گەنجێکی تەمەن ١٨ ساڵ و خەڵکی شاری دەڕەشار، بەبێ بڕیاری دادوەر لەلایەن هێزەکانی ڕژیم دەستبەسەرکرا.
بەپێی ڕاپۆرتی کۆڵبەرنیوز، سێشەممە ١٦ی بەفرانباری ١٤٠٤، گەنجێکی تەمەن ١٨ ساڵ و خەڵکی دەڕەشار سەر بە پارێزگای ئیلام بەناوی «پەیمان ئەسڵمەرز»، لەلایەن هێزەکانی ڕژیم دەستبەسەر و بۆ شوێنی نادیار گواسترایەوە.
بەپێی ئەم ڕاپۆرتە، دەستبەسەرکرانیی ئەم هاوڵاتییە بەبێ بڕیاری دادوەر ئەنجامدراوە.
تاکاتی نووسینی ئەم ڕاپۆرتە، هیچ زانیارییەک لەبارەی هۆکاری دەستبەسەرکران، شوێنی زیندانیکران و تۆمەتەکانی دژی ئەم هاوڵاتییە لەبەردەستدا نییە.
