ئومێد کەریمی، هاووڵاتییەکی خەڵکی شاری دیواندەرە، بە دانانی بارمتەی یەک ملیارد تمەن تا کۆتایی پرۆسەی دادگا بە شێوەیەکی کاتی لە زیندان ئازاد کرا.
بەپێی ڕاپۆرتی کۆڵبەرنیوز، ڕۆژی دووشەممە ١ی خەزەڵوەری ١٤٠٢، ئومێد کەریمی، هاووڵاتییەکی خەڵکی دیواندەرە، بە دانانی بارمتەی یەک ملیارد تمەن تا کۆتایی پرۆسەی دادگا، بە شێوەی کاتی لە زیندان ئازاد کرا.
ڕۆژی دووشەممە ٢٠ی خەرمانانی ١٤٠٢، ئومێد کەریمی تەمەن ٣٠ ساڵ خەڵکی شاری دیواندەرە بەهۆی هێرشی هێزەکانی لیباس شەخسییەکان بۆ سەر ماڵەکەی دەستبەسەر و بۆ شوێنێکی نادیار ڕاگوێزرابوو.
تا ساتی ئامادەکردنی ئەم ڕاپۆرتە هیچ زانیارییەک لە دەزگای دەستگیرکردن و هۆکاری دەستگیرکردن و ئەو تۆمەتانەی کە بۆ ئەم هاوڵاتییە گەڕێندراوەتەوە لەبەردەستدا نییە.
