شه‌وی شه‌ممه ١٧ی پووشپه‌ڕ، به‌هۆی ده‌ستڕێژی گولله‌ی به‌كرێگیراوانی ڕژیم له شارۆچكه‌ی “جالق”ی سه‌ر به شارستانی گوڵشه‌ن، منداڵێك كوژرا و منداڵێكی دیكه به‌سه‌ختی بریندار بوو.
به‌پێی ڕاپۆرتی چالاكانی به‌لووچ، ناسنامه‌ی ئه‌و منداڵه‌ی گیانی له ده‌ست داوه “داریووش مولازهی” ته‌مه‌ن ١٤ ساڵ ڕاگه‌یه‌ندراوه، به‌ڵام ناسناوی ئه‌و منداڵه ته‌مه‌ن شه‌ش ساڵه‌ی كه بریندار كراوه ڕوون نه‌كراوه‌ته‌وه. شایانی باسه كه له ساڵی ١٤٠١ دا ٢٤٣ شارۆمه‌ندی به‌لووچ به ته‌قه‌ی هێزه‌كانی ڕژیم گیانیان له‌ده‌ست داوه.
