عەلی حسێنی و لوقمان ساڵحیزادە، دوو هاوڵاتی خەڵکی شاری سەوڵاوا لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی یەکشەممە هەژدەی خەزەڵوەری ١٤٠٤، عەلی حسێنی و لوقمان ساڵحیزادە دوو هاوڵاتی خەڵکی گوندی «دیوزناو» لە شاری سەوڵاوا لە مەریوان، لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە. سەرەڕای تێپەڕبوونی سێ ڕۆژ لە دەستبەسەرکرانی ئەم هاوڵاتیانە هێشتا چارەنووسیان نادیارە.
نەبوونی زانیاری لە دۆخی ئەم هاوڵاتیانە بنەماڵەکانیانی نیگەران کردووە.
تا کاتی نووسینی ئەم ڕاپۆرتە هۆکارەکانی دەستبەسەرکران، شوێنی مانەوە و تۆمەتەکانی دژی ئەم هاوڵاتیانە نادیارە.
