بەپێی بابەتێک کە ئاتەش شاکەرەمی، پوری نیکا شاکەرەمی لە هەژماری ئینستاگرامی خۆی بڵاوی کردەوە، ناوبراو بە لێدانی شەلاق سزادراوە.
بەپێی ڕاپۆرتی کۆڵبەرنیوز، ڕۆژی دووشەممە ١٩ خەزەڵوەری ١٤٠٤ و بەپێی بابەتێک کە ئاتەش شاکەرەمی، پوری نیکا شاکەرەمی – لە گیانبەختکردووانی بزووتنەوەی «ژن ژیان ئازادی» – لە هەژماری ئینستاگرامی خۆی بڵاوی کردەوە، ناوبراو بە لێدانی شەلاق سزادراوە.
نیکا شاکەرەمی، کچی تەمەن ١٧ ساڵ بوو لە ناڕەزایەتیەکانی سەرتاسەری ١٤٠١ لە تاران ونبوو و دوای چەندین ڕۆژ تەرمی ناوبراو دۆزرایەوە؛ ناوبراو بەهۆی لێدان و ئەشکەنجەی هێزەکانی ڕژیم کوژراوە.
ئاتەش شاکەرەمی، لە کەسایەتیەکانی چالاک لەنێو بنەماڵەکانی دادخوازە کە لە مانگەکانی ڕابردوودا دژی سەرکوت، لەسێدارەدان و نادادیەکانی حکومەت ناڕەزایەتی کردبوو.
سوودوەرگرتن لە سزاکانی نامرۆڤانە وەکو لێدانی شەلاق، نەک تەنیا شکاندنی ئاشکاری کەرامەتی مرۆڤە، بەڵکو هێمای سیاسەتی تۆقاندن و زەلیلکردنی ناڕەزایەتیەکانە لەلایەن دەزگای دادوەری کۆماری ئیسلامی.
