لە درێژەی سەرکوتی ناڕەزایەتییە جەماوەریەکان، «سیاوەش شێرزاد»، هاوڵاتی خەڵکی شاری بۆکان و دانیشتووی شاری تاران، لە کاتی ناڕەزایەتییە سەرتاسەریەکان بە تەقەی ڕاستەوخۆی هێزەکانی ڕژیم گیانی بەختکرد.
بەپێی ڕاپۆرتی کۆڵبەرنیوز، پێنجشەممە ١٨ی بەفرانباری ١٤٠٤، سیاوەش شێرزاد، خەڵکی شاری بۆکان و دانیشتووی شاری تاران، لە کاتی ناڕەزایەتییە جەماوەریەکان کرایە ئامانجی گوللەی هێزەکانی ڕژیم و گیانی بەختکرد. بەپێی سەرچاوە ئاگادارەکان، هێزەکانی ڕژیمی کۆماری ئیسلامی لە ڕادەستکردنی تەرمی ناوبراو بە بنەماڵەکەی بۆ ئەسپەردەکردنی لە شاری بۆکان ڕێگریان کردووە و بنەماڵەکەی ناچاربوون تەرمی ناوبراو بۆ ئەسپەردەکردن بۆ گوندی «تازەقەڵا» بگوازنەوە.
تاکاتی نووسینی ئەم ڕاپۆرتە، بەرپرسانی ڕژیم لەبارەی چۆنێتی گیانبەختکردنی سیاوەش شێرزاد هیچ ڕوونکردنەوەیەکیان نەداوە.
