دوو برا بە ناوەکانی عەزیز و ئومید عەبدوڵڵازادە، خەڵکی گوندی حسێن ئاوا لە شاری بۆکان، لەلایەن هێزە ئەمنییەکان دەستبەسەرکران.
بەپێی ڕاپۆرتی کۆڵبەرنیوز، ڕۆژی پێنجشەمە ٢٥ی گوڵانی ١٤٠٤، دوو هاووڵاتی بە ناوەکانی «عەزیز عەبدوڵڵازادە» تەمەن ٣٣ ساڵ و «ئومید عەبدوڵڵازادە» تەمەن ٣٥ ساڵ، خەڵکی گوندی «حسێن ئاوا» لە شاری بۆکان، لەلایەن هێزە ئەمنییەکان دەستبەسەرکران.
بەپێی ئەم ڕاپۆرتە، عەزیز عەبدوڵڵازادە، بەبێ بڕیاری دادوەر لە شوێنی کارەکەی لە ناوچەی «میراوا» لە شاری بۆکان لەلایەن هێزە ئەمنییەکان دەستبەسەرکراوە. هەروەها براکەی، ئومید عەبدوڵڵازادە، پاش بانگهێشتی بۆ ئیدارەی ئیتلاعاتی شاری بۆکان، دەستبەسەرکرا و لەو کاتەوە تا ئێستا لە زیندان بەسەر دەبات.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری و تۆمەتەکانی دژی ئەم دوو هاووڵاتییە بەردەست نییە.
