ئەحمەد حاجیپوور، هاووڵاتیی خەڵکی شنۆ، لەلایەن هێزەکانی ڕێکخراوی ئیتلاعاتی سوپای پاسداران دەستبەسەرکرا و دوای لێدان و ئازاردانی بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی چوارشەممە ٢٥ی خەرمانانی ١٤٠٥، ئەحمەد حاجیپوور، هاووڵاتیی خەڵکی شنۆ، لەلایەن هێزەکانی ڕێکخراوی ئیتلاعاتی سوپای پاسداران دەستبەسەر کرا. بەپێی زانیارییەکان، هێزەکانی ڕژێم لە کاتی دەستبەسەرکردنی ئەم هاووڵاتییەدا توندوتیژییان بەکارهێناوە و لێیان داوە. هەروەها دوای دەستبەسەرکردنیشی، ئەحمەد حاجیپوور بۆ شوێنێکی نادیار گوازرایەوە.
تا کاتی داڕشتنی ئەم ڕاپۆرتە، هیچ زانیارییەک سەبارەت بە هۆکارەکانی دەستبەسەرکردن، تۆمەتەکان و شوێنی ڕاگرتنی ئەم هاووڵاتییە لەبەر دەستدا نییە.
