بە دەستبەسەرکرانی هاوڵاتییەکی دیکە لە پیرانشار بە ناوی سۆران دورجدور، ژمارەی هاوڵاتییانی دەستبەسەرکراوی ئەم شارە بووە پێنج هاوڵاتی.
بەپێی ڕاپۆرتی کۆڵبەرنیوز سەرلەبەیانی دووشەممە ٢٤ سەرماوەزی ١٤٠٤، هێزەکانی ڕژیم هێرشیان کردەسەر ماڵی سۆران بورجدور، کوڕی مەسعود، بەبێ بڕیاری دادوەر ناوبراو دەستبەسەرکرا و بۆ شوێنێکی نادیار گواسترایەوە.
پێشتر چوار هاوڵاتی دیکەی خەڵکی پیرانشار بە ناوانی هەژار تورجی، ڕزگار خوانپایە، تاهیر باپیران (بارام) و سیامەند ئیسماعیلی لەلایەن هێزەکانی ڕژیم دەستبەسەرکرابوون. لەمبارەیەوە، سەرلەبەیانی دووشەممە ٢٤ سەرماوەزی ١٤٠٤، تاهیر باپیران و سیامەند ئیسماعیلی، هاوڵاتییانی خەڵکی گوندی «شین ئاوا» لە پیرانشار، بە توندوتیژی و بەبێ بڕیاری دادوەر دەستبەسەرکران و بۆ شوێنێکی نادیار گواسترانەوە.
تا کاتی نووسینی ئەم ڕاپۆرتە و بە تێپەڕینی چوار ڕۆژ لە کاتی دەستبەسەرکرانیان، هۆکارەکانی دەستبەسەریی، تۆمەتەکانی دژیان، شوێنی زیندانیی و دۆخی ئەم هاوڵاتییانە نادیارە.
