
«هێمن مەنیجە»، هاووڵاتییەکی خەڵکی شاری بۆکان، لەلایەن هێزە ئەمنییەتییەکانەوە و بەبێ بوونی بڕیاری دادگا دەستبەسەر و بۆ شوێنێکی نادیار گواستراوەتەوە. تاکو ئێستا هیچ زانیارییەک لە شوێنی مانەوە، هۆکاری دەستبەسەرکران و تۆمەتە ئەگەرییەکان دژی ناوبراو لەبەردەستدا نییە.
بەپێی ڕاپۆرتی کۆڵبەرنیوز، بەیانی دووشەممە ٢٦ی گەلاوێژی ١٤٠٥، هێزە ئەمنییەتییەکان هێمن مەنیجە، کوڕی ئەحمەد و خەڵکی بۆکان، دەستبەسەر و بۆ شوێنێکی نادیار گواستۆتەوە. بەپێی زانیارییە بەدەستهاتووەکان، ئەم هاووڵاتییە بەبێ بوونی بڕیاری دادوەری لەلایەن هێزە ئەمنییەتییەکانەوە دەستبەسەر کراوە. دوای گواستنەوەی، بنەماڵەی هێمن مەنیجە تاکو ئێستا هیچ زانیارییەکیان لەبارەی شوێنی ڕاگرتن و دۆخی ناوبراو بەدەست نەهێناوە.
تا کاتی ئامادەکردنی ئەم ڕاپۆرتە، هۆکاری دەستبەسەرکران و تۆمەتە ئەگەرییەکان دژی هێمن مەنیجە نادیارە و دامەزراوە ئەمنییەکانیش هیچ ڕوونکردنەوەیەکیان سەبارەت بە دەستبەسەرکردن و چارەنووسی ناوبراو ڕانەگەیاندووە.
هەروەها، ناوبراو لە کاتی دەستبەسەرکرانییەوە تاکو ئێستا لە دەستڕاگەیشتن بە پارێزەر، بینینی خێزان و پەیوەندیکردن بە بنەماڵەییەوە بێبەش کراوە. بەردەوامبوونی بێئاگایی لە چارەنووس و شوێنی ڕاگرتنی ئەم هاووڵاتییە، بووەتە هۆی نیگەرانی خێزان و نزیکەکانی.

