
هێزەکانی ئیدارەی ئیتڵاعات هاوکات بە هێرشێک بۆ سەر شاری نەڵاس سەر بە شاری سەردەشت، مەلا ئەبوبەکر یوسفی و یوونس مووساپووریان بەبێ بڕیاری دادوەری و بە توندوتیژی دەستبەسەر کرد و بۆ گرتووخانەی ئیتلاعاتی ورمێ گوازرانەوە.
بەپێی ڕاپۆرتی کۆڵبەرنیوز، ئێوارەی یەکشەممە ١٤ی پووشپەڕی ١٤٠٥، هێزەکانی ئیدارەی ئیتڵاعات بە ئۆپراسیۆنێکی هاوکات لە شاری نەڵاس، مەلا ئەبوبەکر یوسفی و یوونس مووساپوور، دوو هاووڵاتیی خەڵکی ئەم شارەیان بەبێ بڕیاری دادوەری دەستبەسەر کرد.
بەپێی زانیارییەکان، هێزەکانی ڕژێم لە کاتی دەستبەسەرکردنی ئەم دوو هاووڵاتییەدا توندوتیژیی جەستەیی و ڕەفتاری سووکایەتیان بەکارهێناوە؛ بابەتێک کە نیگەرانیی بنەماڵەکانیانی بۆ دۆخی جەستەیی و ئاسایشی ئەم دوو دەستبەسەرکراوە زیاتر کردووە.
ئەم دوو هاووڵاتییە دوای دەستبەسەرکرانیان، بۆ گرتووخانەی ناوەندیی ئیدارەی ئیتڵاعات لە ورمێ گوازرانەوە و لە ئێستادا لەژێر لێکۆڵینەوەدان.
بەسەرچوونی چوار ڕۆژ بەسەر کاتی دەستبەسەرکرانیاندا، هێشتا هیچ زانیارییەک لەبارەی هۆکارەکانی دەستبەسەرکردن، تۆمەتەکانی دژیان، شوێنی ڕاگرتن و دۆخی تەندروستیی مەلا ئەبوبەکر یوسفی و یوونس مووساپوور بڵاو نەکراوەتەوە. هەروەها بنەماڵەی ئەم دوو هاووڵاتییە تا ئێستا لە پێوەندی یان چاوپێکەوتن لەگەڵیاندا بێبەشن و لایەنە ئەمنی و دادوەرییەکانیش لە پێشکەشکردنی لەمبارەوە هیچ ڕوونکردنەوەیەک نادەن.

