کاوە ئەحمەدزادە، زیندانیی سیاسی پێشوو، کە ماوەی سزا نوێیەکەی لە زیندانیی ناوەندی بۆکان زیندانییکراوە، بەهۆی کەمتەرخەمی بەرپرسان بە دۆخی ناجێگیری جەستەیی تووشی جەڵتەی دڵ بووە و گیانی لەدەستدا.
بەپێی ڕاپۆرتی کۆڵبەرنیوز، کاوە ئەحمەدزادە لە ڕۆژانی ڕابردوودا لەکاتێکدا تووشی جەڵدەی دڵ بووە کە سەرچاوەکانی ئاگادار دڵنیاییان داوە کە بەرپرسانی زیندان لەبارەی دۆخی ناجێگیری ناوبراو کەمتەرخەم بوون و ناوبراویان بۆ نەخۆشخانە نەگواستۆتەوە. تەرمی ئەم زیندانییە سیاسییەی پێشوو پاش گیانلەدەستدان، بۆ پشکنین بۆ پزیشکی یاسایی ورمێ گواسترایەوە و ڕۆژی دووشەممە ١٧ سەرماوەزی ١٤٠٤، بەبێ ڕاگەیاندنی هۆکاری گیانلەدەستدان، بە بنەماڵەکەی ڕادەست کرایەوە.
سەرچاوەیەکی نزیک لە بنەماڵەکەی دەڵێن کە بەرپرسانی زیندان پاش ٢٤ کاتژمێر لە گیانلەدەستدانی ناوبراو بە بنەماڵەکەیان ڕاگەیاندووە و ئەم ڕەفتارە نیگەرانییانی کردووە.
کاوە ئەحمەدزادە، لە ساڵانی ڕابردوودا بەهۆی چالاکییەکانی سیاسی نزیکەی ١٠ ساڵ لە زیندانەکانی کۆماری ئیسلامی بووە و چەندین جار لە دەرمانی پزیشکی و مافی سەرەتایی بێبەش بووە.
گیانلەدەستدانی ئەم زیندانییە سیاسییە جارێکی دیکە پێکهاتەی ناکارایی و کەمتەرخەمی بەرپرسان لە زیندانەکانیی کۆماری ئیسلامییە کە کەمتەرخەمی ڕێکخراو هەڕەشە لە گیانی زیندانییان دەکات.
