هیمەت کەریمی، هاوڵاتی ٣٨ ساڵی خەڵکی مەریوان، لەم ڕۆژانەی دواییدا لەلایەن هێزەکانی ڕژیم دەستبەسەرکرا.
بەپێی ڕاپۆرتی کۆڵبەرنیوز، «هیمەت کەریمی» هاوڵاتی ٣٨ ساڵی خەڵکی شاری مەریوان، لە شاری دامغان لەلایەن هێزەکانی ڕژیم دەستبەسەرکراوە. سەرەڕای تێپەڕبوونی زیاتر لە ١٠ ڕۆژ بەسەر دەستبەسەرکرانی ناوبراو، هێشتا هیچ زانیارییەک لەبارەی دۆخ، بارودۆخ و چارەنووسی ناوبراو رادەستی بنەماڵە و کەسوکاری نەکراوە.
دەستبەسەرکرانیی هیمەت کەریمی، لەنێو بنەماڵە و کەسوکارەکەی نیگەرانیی و قەلەقییەکی زۆری دروست کردووە و هەوڵەکانی بنەماڵەکەی، بۆ زانینی دۆخی ناوبراو تا ئێستا بێئەنجام ماوە.
