مەنسوور سولەیمانی، کۆڵبەرێکی خەڵکی سەلاس-باوەجانی، لە کاتی کۆڵبەریدا لە هێڵی سنووری نەوسوود، بەهۆی تەقینەوەی مین بە سەختی بریندار بوو.
بەپێی ڕاپۆرتی کۆڵبەرنیوز، ئێوارەی دوێنێ سێشەممە ٢١ی سەرماوەزی ١٤٠٢، مەنسوور سولەیمانی، کۆڵبەری خەڵکی گوندی “دەنگی” سەربە سەلاس باوەجانی، لە کاتی کۆڵبەریدا لە هێڵی سنووری نەوسوود،
بەهۆی تەقینەوەی مین بە سەختی بریندا بوو.
بەپێی ئەم ڕاپۆرتە ناوبراو “لاقی”ڕاستی بریندار بووە و بەهۆی سەختی برینەکەیەوە بۆ نەخۆشخانەی قودسی پاوە گواستراوەتەوە.
بەپشتبەستن بەو ئامارەی لە ماوەی دوو مانگی ڕابردوودا لە کۆڵبەرنیوز تۆمارکراوە، لە ١ی ڕەزبەر تا ١ ی سەرماوەزی ١٤٠٢، بەگشتی ١٥٤ کۆڵبەر لە ناوچە سنوورییەکانی کوردستان بەهۆی هۆکارەکانی وەک تەقەی ڕاستەوخۆی هێزەکانی هەنگی مەرزی، لێدان و ئازاردان لەلایەن هێزە سەربازییەکانی ڕژێم و کەوتنە سەر مین. کوژراو و بریندار بوون.
لەم ژمارەیە بەگشتی ٩ کۆڵبەر کوژراون و ١٤٥ کۆڵبەر برینداربوون. لە کۆی گشتی ١٥٤ کۆڵبەر کە کوژراون و برینداربوون، ١٤١ حاڵەت (٩٢%) بەهۆی تەقەی ڕاستەوخۆی هێزە سەربازییەکان بووە.
