موراد ئۆستوار، هاوڵاتی گوندی پەسوە سەربە شاری پیرانشار بە دانانی بارمتە لە زیندانی شاری نەغەدە ئازادکرا.
بەپێی ڕاپۆرتی کۆڵبەرنیوز، ڕۆژی سێشەمە ١٩ی خاکەلێوەی ١٤٠٤، موراد ئۆستوار، هاوڵاتی گوندی «پەسوە» سەربە شاری پیرانشار لە زیندانی شاری نەغەدە ئازادکرا. بەپێی ئەم ڕاپۆرتە، بەڕێز ئۆستوار بە دانانی بارمتە لە زیندانی شاری نەغەدە ئازادکراوە.
لەم ڕاپۆرتەدا هاتووە کە، ئەم هاوڵاتییە پاش تەواوبوونی لێپرسینەوەکەی لە یەکێک لە گرتووخانە ئەمنییەکان لە شاری ورمێ بۆ زیندانی شاری نەغەدە گواسترابوویەوە.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری و تۆمەتەکانی دژی ئەم هاوڵاتییە بەردەست نییە.
موراد ئۆستوار، تەمەن ٤٥ ساڵ، خێزاندارە و باوکی ٢ منداڵە، یەکی ڕێبەندانی ١٤٠٣ لەلایەن هێزە ئەمنییەکانەوە لە ماڵەکەی خۆیدا دەستبەسەرکراوە.
