ناسر عەلیپوور و ڕێبوار کوهگەرد، هاووڵاتیانی شاری بۆکان، لەلایەن هێزە ئەمنییەکانەوە دەستبەسەر و بۆ گرتووخانەی ئیدارەی ئیتلاعاتی ئەم شارە گواستراونەتەوە
بەپێی ڕاپۆرتی کۆڵبەرنیوز، ڕۆژی پێنجشەممە ٢٨ی بەفرانباری ١٤٠٢، دوو هاووڵاتی خەڵکی شاری بۆکان دەستبەسەر کران. ناسنامەکەیان ناسر عەلیپوور و ڕێبوار کوهگەرد، هاووڵاتییانی شاری بۆکان ڕاگریاندراون. بەپێی ئەم ڕاپۆرته ئەم هاووڵاتیانه لەلایەن هێزه ئەمنییەکانەوە بەبێ بوونی فەرمانی دادگا دەستبەسەر کراون.
جێگای ئاماژەیە کە ئەو هاووڵاتیانە بۆ لێپرسینەوە بۆ گرتووخانەی ئیدارەی ئیتلاعاتی شاری بۆکان گواستراونەتەوە.
تا کاتی نووسینی ئەم هەواڵە هیچ زانیارییەک لەبارەی هۆکاری دەستگیرکردن و تۆمەتی ئەو کەسانە لەبەردەستدا نییە.
