کازم ئازدە و ناسر ئازرم، دوو هاوڵاتی خەڵکی «خەلیفان» لە مەهاباد، لەلایەن هێزەکانی ئیتلاعاتی سوپا دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، سەرلەبەیانی سێشەممە ١٨ سەرماوەزی ١٤٠٤، کازم ئازدە و ناسر ئازرم، دوو هاوڵاتی خەڵکی «خەلیفان» لە مەهاباد، لەلایەن هێزەکانی ئیتلاعاتی سوپا دەستبەسەرکران و بۆ شوێنێکی نادیار گواسترانەوە. بەپێی ئەم ڕاپۆرتە، ئەم دەستبەسەرکرانە بە هێرش بۆ ماڵی ئەم هاوڵاتییانە و بە توندوتیژی کراوە. شایانی باسە لە ڕۆژانی ڕابردوودا، زیاتر لە ٢٠ هاوڵاتی لە شارەکانی کوردستان لەلایەن هێزەکانی ڕژیم دەستبەسەرکرا و لەبارەی سەلامەتی و چارەنووسی دەستبەسەرکراوان نیگەرانیی زیاتربووە.
تا کاتی نووسینی ئەم ڕاپۆرتە هۆکارەکانی دەستبەسەرکران، شوێنی زیندانیی و تۆمەتەکانی دژی ئەم هاوڵاتییانە نادیارە.
