دوو هاووڵاتیی خەڵکی پیرانشار بە ناوەکانی «محێدین مەعرووفنیا (قەلاش)» و «بێهنام مەعرووفنیا (قەلاش)» کە باوک و کوڕن، دوای ماوەیەک لە دەستبەسەرکران، بە دانانی بارمتەی قورس بە شێوەی کاتی ئازاد کران.
بەپێی ڕاپۆرتی کۆڵبەرنیوز، ڕۆژی دووشەممە ٧ی گوڵانی ١٤٠٥، محێدین مەعرووفنیا و بێهنام مەعرووفنیا، هەر کامیان بە دانانی بارمتەی دوو ملیارد تمەن لە زیندان ئازاد کران. ئەم دوو هاووڵاتییە پێشتر لە ناوەڕاستی خاکەلێوەی ئەمساڵدا، بەبێ نیشاندانی حوکمی دادوەری و بەهۆی هێرشی هێزەکانی ڕژیم بۆ سەر شوێنی نیشتەجێبوونیان دەستبەسەر و بۆ شوێنێکی نادیار گواسترابوونەوە.
بەپێی زانیارییە وەرگیراوەکان، ئەم باوک و کوڕە لە ماوەی دەستبەسەرکرانیاندا لە مافی هەبوونی پارێزەر و هەروەها بینینی بنەماڵەکانیان بێبەش کرابوون.
تا کاتی بڵاوبوونەوەی ئەم هەواڵە، هیچ زانیارییەکی ورد دەربارەی هۆکاری دەستبەسەرکردن و تۆمەتەتەکانی ئەم دوو هاووڵاتییە بڵاو نەکراوەتەوە.
