شادمان محەمەدی، هاووڵاتییەکی جەوانی خەڵکی سەلاس باوەجانی، لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆلبەرنیوز، ڕۆژی پێنجشەممە ١١ی خەزەڵوەری ١٤٠٢، شادمان محەمەدی، هاووڵاتییەکی جەوانی خەڵکی سەلاس باوەجانی، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازراوەتەوە. شادمان محەممەدی بەبێ فەرمانی دادگا لە ماڵەکەی خۆیدا لەلایەن هێزە ئەمنییەکانەوە دەستگیرکرا.
بەپێی ئەم ڕاپۆرتە، شادمان محەمەدی بەهۆی چالاکییەکانی لە تۆڕە کۆمەڵایەتییەکاندا لەلایەن هێزە ئەمنییەکانەوە دەستبەسەر کراوە.
تا بڵاوبوونەوەی ئەم ڕاپۆرتە هیچ زانیارییەک لەسەر شوێنی مانەوە و تۆمەتی ئەم هاوڵاتییە لەبەردەستدا نییە.
