ڕەحمان قادری، هاوڵاتی شاری پیرانشار بە دانانی بارمتەی ٥٠٠ ملیۆن تمەنی بە شێوەی کاتی لە گرتووخانەی نەغەدە ئازاد کرا.
بەپێی ڕاپۆرتی کۆڵبەرنیوز، ڕۆژی شەممە ١٩ی خەزەڵوەری ١٤٠٣ ڕەحمان قادری، هاوڵاتی شاری پیرانشار بە بارمتەی ٥٠٠ ملیۆن تمەنی بە شێوەی کاتی و تا کۆتایی پرۆسەی یاساییەکەی لە گرتووخانەی نەغەدە ئازاد کرا. ئەم هاوڵاتییە دەستگیرکراوە لە ٢٢ی گەلاوێژی ١٤٠٣ پاش بانگهێشتکرانی بۆ ئیتلاعاتی سوپای پیرانشار دەستگیر کرا و پاش ماوەیەک بۆ گرتووخانەی نەغەدە گواسترایەوە.
تا کاتی نووسینی ئەم ڕاپۆرتە هیچ زانیارییەک لە هۆکارەکانی دەستگیرکردن و تۆمەتەکانی دژی ئەم هاوڵاتییە لەبەردەستدا نییە. ڕەحمان قادری ٢٥ ساڵان و خەڵکی گوندی ئەندێزە لە شاری پیرانشارە.
