ئارمین پیرانی، هاوڵاتی خەڵکی ئاودانان سەر بە شاری ئیلام، بەبێ بڕیاری دادوەر لەلایەن هێزەکانی ڕژیم دەستبەسەر و بۆ شوێنی نادیار گواسترایەوە و هێشتا هیچ زانیارییەک لەبارەی دۆخ و چارەنووسی ناوبراوەوە لەبەردەستدا نییە.
بەپێی ڕاپۆرتی کۆڵبەرنیوز پێنجشەممە ١٨ی بەفرانباری ١٤٠٤، ئارمین پیرانی لەلایەن هێزەکانی ڕژیم بەشێوەیەکی سەرەڕۆیانە دەستبەسەرکرا و بۆ شوێنی نادیار گواسترایەوە. تاکاتی نووسینی ئەم ڕاپۆرتە، هیچ زانیارییەک لەبارەی هۆکاری دەستبەسەرکران، تۆمەتەکانی دژی، شوێنی زیندانیکران و دۆخی جەستەیی ناوبراو لەلایەن ناوەندەکانی ئەمنی و دادوەری کۆماری ئیسلامی ڕانەگەیەندراوە.
بەدواداچوونی بنەماڵە و کەسوکاری ئارمین پیرانی تا ئێستا بێئەنجام ماوە و ئەمەش نیگەرانی بنەماڵەکەی لەبارەی سەلامەتی و چارەنووسی ناوبراوەوە زیاتر کردووە.
