دوو کۆڵبەری خەڵکی شاری جوانڕۆ و سنە ، بەهۆی تەقەی ڕاستەوخۆی هێزەکانی هەنگی مەرزی لە هێڵی سنووری نەوسوود برینداربوون.
بەپێی ڕاپۆرتەکانی کۆڵبەرنیوز، ئێوارەی چوارشەممە ٢٣ی ڕەشەممەی ١٤٠٢، بەهۆی تەقەی ڕاستەوخۆی هێزەکانی هەنگی مەرزی لە هێڵی سنووری نەوسوود ، دوو کۆڵبەر برینداربوون. ناسنامەی ٢ کۆڵبەرە بریندارەکان بریتین لە: «فاروق سەیدی» خەڵکی جوانڕۆ و «شارۆخ ولیانە» خەڵکی گوندی «هەشەمێز»سەر بە شاری سنەیە.
بەپێی ئەو هەواڵە، دۆخی فاروق سەیدی بە ناجێگیر ڕاگەیەندراوە و بۆ چارەسەری برینەکانی، ڕاگوێزی نەخۆشخانەی قودسی پاوە کراوە.
بەپێی ئەو ئامارانەی ٢٠٢٣ لە کۆڵبەرنیوز تۆمارکراون، ٢٩٩ کۆڵبەر لە سنورەکان و ڕێگای نێوان ئازەربایجانی ڕۆژئاوا، کوردستان و کرماشان بە هۆکاری وەک تەقەی ڕاستەوخۆی هێزەکانی ڕژێم، هەرەسی ڕەنوو، بەستەڵەک، کەوتنە سەر مین، کەوتنە خوار لە شاخ، بەرزایی و حاڵەتی دیکە کوژران و بریندار بوون. لەم ژمارەیە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندار بوون. بە گشتی ٢٩٩ کۆڵبەر کە کوژران و بریندار بوون، ٢٦١ حاڵەت (٨٧%) بە تەقەی ڕاستەوخۆی هێزەکان بووە. بە گشتی ٢٩٩ کۆڵبەر کە کوژران و بریندار بوون، ٣٠ لەوانە منداڵی خوار ١٨ ساڵن.
