ئەیوب ئاغالیانی، هاووڵاتییەکی تەمەن ٢٢ ساڵ خەڵکی شاری شنۆ، بە مەبەستی تێپەڕاندنی حوکمی ١٠ ساڵ و ٦ مانگ زیندانی، دەستبەسەر و بۆ زیندانی نەغەدە گوازرایەوە.
بەپێی ڕاپۆرتی کۆڵبەرنیوز، ڕۆژی چوارشەممە ١ی خەرمانانی ١٤٠٢، ئەیوب ئاغالیانی، هاووڵاتییەکی تەمەن ٢٢ ساڵ، خەڵکی شاری شنۆ، دوای ئەوەی ڕەوانەی لقی جێبەجێکردنی سزای تاوانکاریی داواکاری گشتی و ئینقلابی شاری شنۆ، دەستبەسەر کرا. ئەیوب ئاغالیانی لە ٢٥ی بەفرانباری ١٤٠١ لەلایەن لقی ١٠١ی دادگای تاوانەکانی شاری شنۆ بە ١٠ ساڵ و ٦ مانگ زیندان و ٧٠ قامچی سزای بەسەردا سەپێندرا.
دانیشتنی دادگا بۆ تۆمەتەکانی ئەم هاوڵاتیە لە شێوەی ڤیدیۆ کۆنفڕانسدا بەبێ دەستگەیشتن بە پارێزەر بەڕێوەچوو، دادگا بە تۆمەتی “کۆکردنەوە و هاوکاریکردن بۆ ئەنجامدانی تاوانێک دژی ئاسایشی ناوخۆی وڵات”، بە ٤ ساڵ زیدان بە تۆمەتی “تێکدانی ئاسایشی گشتی و ئارامی”بە ١ ساڵ زیدان و ٧٠ قامچی. بەشداریکردن لە تێکدانی بە ئەنقەست بۆ موڵک و ماڵی گشتی” بە ١ ساڵ و ٦ مانگ زیدان و بە تۆمەتی “ بەشداریکردن لە هاندانی بە ئەنقەست بۆ تێکدانی موڵک و ماڵی گشتی” بە ٤ ساڵ زیندانیکردن لەگەڵ جێبەجێکردنی سزاکەی و (احتساب)ی ماوەی دەستبەسەرکردنی پێشوو.
لە کۆتاییدا ئەم بڕیارە لە دادگای پێداچوونەوە بۆ چوار ساڵ زیندانی کەمکرایەوە.
