ڕامین محەممەدی و محەممەد دەشتی، دوو هاوڵاتی خەڵکی شاری کامێران لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی دووشەممە نۆزدەی خەزەڵوەری ١٤٠٤، ڕامین محەممەدی و محەممەد دەشتی، دوو هاوڵاتی خەڵکی گوندی «ئالک» لە شاری کامێران لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە. بەپێی ئەم ڕاپۆرتە هێزەکانی ڕژیم بەبێ بڕیاری دادوەر هێرشیان کردە سەر ماڵی ئەم هاوڵاتیانە و دەستبەسەریان کردوون.
بە گوتەی سەرچاوەکانی ئاگادار، محەممەد دەشتی و ڕامین محەممەدی پاش دەستبەسەرکران لە کامێران بۆ گرتووخانەیەکی ئەمنی سنە گواسترانەوە. تا کاتی نووسینی ئەم ڕاپۆرتە هۆکارەکانی دەستبەسەرکران و تۆمەتەکانی دژی ئەم هاوڵاتیانە نادیارە.
محەممەد دەشتی و ڕامین محەممەدی پێشتر بەهۆی چالاکیەکانیانەوە دەستبەسەرکراون و سزادراون.
